जय हे शङ्कर धीर तपस्विन् भारतक्रान्तियशस्विन् !
मथितवेदान्तदिव्यविभूते तिमिरविदार मनस्विन् !
देवीप्रियलहरी तव रचना वरस्तुतिनिपुण वचस्विन् !
विष्णुगणेशशिवादिदेवतापदषट्पदे नमस्विन् !
मायामिथ्यामोहसमुद्गर प्रचण्ड वीर तरस्विन्!
चतुर्दिशासु स्थापितगुरुपद मनुजोत्थान महस्विन्!
आदिशङ्कर हे जगद्गुरवे हे ब्रह्मानन्दपयस्विन्!
जय हे शङ्कर जय हे शङ्कर शिवावतार तपस्विन्!
-श्रीशङ्करजयन्ती-
