My Sanskrit Essay on Mysore

 Guided by my teacher, Dr. Sowmya Krishnapur, I wrote this essay 🙏

मैसूरु नगरी 

भवन्तः मैसूरुनगरीं कच्चित् गतवन्तः ? भारते एका अतिसुन्दरी नगरी सांस्कृतिकनिधिः च द्रष्टव्या चेत् मैसूरुनगरीं गत्वा तस्याः रमणीयतां राजवैभवं च पश्यन्तु । मैसूरुराज-परम्परा विचक्षणराज्यनिर्वहणनिपुणा उदारा कलोपासिका च आसीत् । 

मैसूरुनगर्यां चामुण्डीदेव्याः मन्दिरं पर्वतोपरि अस्ति । सा देवी अस्मान् सदा पालयति । मैसूरुराजभवनानि उद्यानानि मृगालयं च विश्वविख्यातानि । प्रतिवर्षे नवरात्र-उत्सव-काले दसरा नाम पर्वणः कार्यक्रमाः महत्या शोभया आचर्यन्ते । अन्तिमदिने विजयदशम्यां राजहस्तिवाहिनी देवी चामुण्डी राजवीथ्यां संसृत्य शमीवृक्ष-उद्याने जनानां पूजां स्वीकरोति । 

मैसूरुविश्वविद्यानिलयः सर्वलोकमान्यः यतः अनेकाः प्रौढविद्वांसः तत्र अपाठयन् । तत्रस्तः शोधनिलयः बहुशतमानपूर्वस्य मौर्यसाम्राज्यमन्त्रिणः कौटिल्यस्य अर्थशास्त्रग्रन्थम् आविष्कृत्य लोकार्पणं अकरोत् । भारतस्य पुरातन-इतिहासग्रन्थाः वेदशास्त्रग्रन्थाः सर्वे तत्र सम्यक् परिष्कृताः प्रकाशिताः च । 

एशियाद्यन्ते प्रप्रथमविद्युद्दीपव्यवस्था , भारतस्य आकाशवाणी नाम प्रथमरेडियो , कार्मिकाणां कृते अग्रेसरा  उद्योगनीतिव्यवस्था निवृत्तिवेतनव्यवस्था इत्यादि सर्वं मैसूरुनगर्यां एव प्रथमतः अभवन् । तथैव मैसूरुनगरी भारतस्य शिखरप्राया नगरी वर्तते सदा ।